Magħrufa s-16-il pajjiż li se jikkompetu fil-Junior Eurovision 2026 f’Malta

Il-Public Broadcasting Services (PBS), ix-xandar Malti li se jorganizza l-24 edizzjoni tal-Junior Eurovision Song Contest, fil-jiem li għaddew ħabbar is-16-il pajjiż li se jieħdu sehem fil-festival, li se jsir is-Sibt…

Il-Public Broadcasting Services (PBS), ix-xandar Malti li se jorganizza l-24 edizzjoni tal-Junior Eurovision Song Contest, fil-jiem li għaddew ħabbar is-16-il pajjiż li se jieħdu sehem fil-festival, li se jsir is-Sibt 24 ta’ Ottubru fil-Malta Fairs & Conventions Centre (MFCC) f’Ta’ Qali.

Il-pajjiżi parteċipanti huma:

• l-Albanija
• l-Armenja
• Ċipru
• Franza
• il-Ġeorġja
• l-Irlanda
• l-Italja
• Malta
• il-Montenegro
• in-Netherlands
• il-Maċedonja ta’ Fuq
• il-Polonja
• il-Portugall
• San Marino
• Spanja
• l-Ukrajna

Il-kantanti, li se jkollhom bejn 9 u 14-il sena, se jirrappreżentaw lil pajjiżhom b’kanzunetti oriġinali quddiem udjenza internazzjonali ta’ miljuni ta’ telespettaturi.

S’issa diġà tħabbru sitt artisti li se jieħdu sehem fil-festival. Dawn huma r-rappreżentanti tal-Albanija, Ċipru, Franza, il-Ġeorġja, il-Maċedonja ta’ Fuq u l-Portugall, filwaqt li l-bqija tal-parteċipanti mistennija jitħabbru fil-ġimgħat li ġejjin.

Il-finali se tibda fid-9pm (CEST) u se tixxandar dirett fuq l-istazzjonijiet tax-xandir tal-pajjiżi parteċipanti kif ukoll fuq il-kanal uffiċjali tal-Junior Eurovision fuq YouTube.

Għall-okkażjoni, il-MFCC se jinbidel f’“Eurovision Festa Village”, b’tema li tgħaqqad it-tradizzjoni Mediterranja mal-futur tal-mużika.

Fi stqarrija, il-PBS stieden lis-segwaċi talJunior Eurovision biex jingħaqdu ma’ din iċ-ċelebrazzjoni internazzjonali, u qal: “Ingħaqdu magħna għal ċelebrazzjoni unika fejn it-tradizzjoni Mediterranja u l-futur tal-mużika jingħaqdu taħt sema wieħed. Hija mużika, hija ferħ, hija festa… huwa l-Junior Eurovision Song Contest.”

The post Magħrufa s-16-il pajjiż li se jikkompetu fil-Junior Eurovision 2026 f’Malta appeared first on Newsbook.

Read the full article at the original source