147 childcare centre wara li żdiedu 25
Sal-aħħar tas-sena l-oħra kien hemm total ta’ 147 childcare centres irreġistrati, b’erbgħa minnhom li jinsabu Għawdex The post 147 childcare centre wara li żdiedu 25 appeared first on Newsbook.
Matul dawn l-aħħar sentejn ġew irreġistrati 25 childcare centres ġodda, bit-total ta’ childcare centres f’Malta u f’Għawdex issa jmiss il-150 ċentru.
Il-Ministru tal-Edukazzjoni Clifton Grima kkonferma li fl-2024 u fl-2025 infetħu b’kollox 25 ċentru ġdid, waqt li kien qed iwieġeb mistoqsija parlamentari tax-Shadow Minister Graziella Galea.
B’kollox, sa tmiem l-2025 kien hemm 147 ċentru rreġistrat, b’erbgħa minnhom f’Għawdex. L-ikbar ammont ta’ ċentri jinsabu f’Birkirkara u fil-Mosta, filwaqt li f’numru ta’ lokalitajiet oħra ferm iżgħar hemm biss ċentru wieħed jew tnejn.
| Lokalità | Numru ta’ Ċentri |
|---|---|
| Birkirkara | 13 |
| Il-Mosta | 11 |
| Ħaż-Żebbuġ | 9 |
| Il-Qawra / San Pawl il-Baħar | 8 |
| San Ġwann | 8 |
| Ħaż-Żabbar | 8 |
| Ħal Tarxien | 7 |
| L-Imsida | 7 |
| Ħal Qormi | 7 |
| Il-Fgura | 7 |
| Il-Gżira | 6 |
| Santa Venera | 6 |
| Iż-Żejtun | 6 |
| Ħ’Attard | 5 |
| Raħal Ġdid | 4 |
| Ħal Luqa | 4 |
| Tal-Pietà | 4 |
| In-Naxxar | 4 |
| Ħal Għaxaq | 3 |
| Pembroke | 3 |
| Il-Għargħur | 3 |
| San Ġiljan | 2 |
| Il-Birgu | 2 |
| Is-Siġġiewi | 2 |
| Il-Furjana | 1 |
| Bormla | 1 |
| L-Imqabba | 1 |
| Ħad-Dingli | 1 |
| Ir-Rabat, Għawdex | 2 |
| San Lawrenz | 1 |
| Ix-Xewkija | 1 |
Fl-aħħar jiem il-Gvern iffirma qbil li jikkonsisti f’perjodu ta’ erba’ snin sal-2028 fejn se jkunu qed jintefqu €276.7 miljun biex jingħata servizz b’xejn ta’ childcare lil ġenituri li jixtiequ jibqgħu jaħdmu t-tnejn li huma.
Dan is-servizz se jkun qed jibni fuq ftehimiet li saru fil-passat, b’żieda fl-investiment. Il-Prim Ministru Robert Abela li kien insista li childcare b’xejn m’għandux jidher bħala piż fuq il-Gvern iżda bħala investiment fil-familji u fil-futur soċjali u ekonomiku ta’ Malta.
Fiċ-childcare centres, tfal taħt l-età ta’ tliet snin, jiġifieri qabel jibdew il-kindergarten, jiġu m’għallma l-affarijiet bażiċi u jilagħbu ma’ tfal tamparhom fl-istess waqt li ż-żewġ ġenituri jkunu jistgħu jkomplu bil-karrieri tagħhom.
Skont studju li sar mill-Bank Ċentrali ta’ Malta kien hemm żieda ta’ 6,200 mara li ħarġu jaħdmu u dan wassal biex il-familji gawdew minn kważi €180 miljun f’żieda fil-pagi tagħhom għaliex il-familji qed iserħu iktar fuq iċ-childcare centres.
The post 147 childcare centre wara li żdiedu 25 appeared first on Newsbook.
Read the full article at the original source
Visit Newsbook →