Skart organiku f’enerġija: WasteServ tagħti €75 miljun lill-konsorzju Greenmed

Il-WasteServ tat kuntratt ta’ €75 miljun għal impjant ġdid tal-ipproċessar tal-iskart organiku lill-konsorzju Greenmed Malta, li jimmarka pass kbir fil-pjan nazzjonali għall-immaniġġjar tal-iskart. The post Skart organiku f’enerġija: WasteServ tagħti…

Il-WasteServ tat kuntratt ta’ €75 miljun għal impjant ġdid tal-ipproċessar tal-iskart organiku lill-konsorzju Greenmed Malta, li jimmarka pass kbir fil-pjan nazzjonali għall-immaniġġjar tal-iskart.

Il-Kap Eżekuttiv ta’ WasteServ, Richard Bilocca, qal: “Nibqgħu impenjati bis-sħiħ biex nimmodernizzaw l-infrastruttura tal-immaniġġjar tal-iskart f’Malta u biex inkomplu nressqu ’l
quddiem l-għanijiet ambjentali u ta’ sostenibbiltà tal-pajjiż”.

Saħaq li l-iskart organiku laħaq livell rekord ta’ 30 miljun kilogramma fl-2025. Dan ġie mniedi f’Marzu tal-2025, il-proċess ta’ akkwist se jwassal għall-iżvilupp ta’ faċilità moderna u avvanzata, iddisinjata biex tlaħħaq mad-domanda fl-ipproċessar tal-iskart organiku li qed tiżdied. Matul l-ħames snin li għaddew, il-pajjiż irreġistra żieda kostanti fil-ġbir tal-iskart organiku.

Ladarba l-impjant jibda jopera, fi żmien sentejn, se jkun kapaċi jipproċessa madwar 74,000 tunnellata ta’ skart organiku fis-sena. Dan il-materjal imbagħad jiġi kkonvertit f’enerġija rinnovabbli fil-forma ta’ elettriku, kif ukoll f’kompost ta’ kwalità għolja, li se jkompli jmexxi lill-pajjiż lejn ekonomija aktar ċirkolari.

WasteServ diġà topera faċilità li tikkonverti l-iskart organiku f’enerġija rinnovabbli u f’kompost, u bħalissa qed tiġġenera biżżejjed enerġija biex tipprovdi l-elettriku lil madwar 1,200 familja għal sena sħiħa.

L-impjant il-ġdid se jżid b’mod sinifikanti din il-kapaċità, u b’hekk tiżdied b’mod sostanzjali kemm il-ġenerazzjoni ta’ enerġija rinnovabbli kif ukoll il-produzzjoni tal-kompost. Minbarra l-prestazzjoni operattiva, ingħatat importanza kbira lid-disinn tal-impjant, li ġie mfassal biex jintegra sewwa mal-ambjent tal-madwar. Il-proġett jinkludi blokka amministrattiva u laboratorju ddedikat, li se jkomplu jsaħħu l-kapaċità ta’ WasteServ biex tkompli topera skont l-ogħla standards ambjentali u regolatorji.

Il-proġett huwa kofinanzjat mill-Fond ta’ Koeżjoni tal-Unjoni Ewropea, b’kontribuzzjoni ta’ madwar €45 miljun.

The post Skart organiku f’enerġija: WasteServ tagħti €75 miljun lill-konsorzju Greenmed appeared first on Newsbook.

Read the full article at the original source